Wednesday, March 3, 2010

මිතුරු දම....

පවුල් බැඳීමට පමණක් දෙවැනි වන, ඇතැම් විට කාටත් වඩා ලං වෙන, දෙයක් වේ නම් ඒ මිතුරු දම වේ. 
එහෙත් අවංක, ආදරණීය කල්‍යාණ මිත්‍රයින් අපට හැම තැනම හමු නොවේ. 
මා එවැන්නන් කීප දෙනෙකු ලැබීමට තරම් භාග්‍යවන්තයෙකු වූ බැව් සිහිපත් කරන විට ......
මට මා ගැන සියුම් අභිමානයක් නැඟෙයි.....

අප කිසිවෙකුත් අංග සම්පූර්ණ අය නොවේ. අප අතින් වැරදි සිදුවේ. එහෙත් මා නිවැරදියි, අනෙකා වැරදියි යන මතයේ කිසිවෙකු සිටියහොත්.......එවැනි හේතුවක් නිසා අපට මිතුරෙකු, හතුරෙකු කරගත හැක. එහෙත් ඉවසීමෙන් වැඩ කලහොත් සියල්ල කාලය විසින් විසඳනු ඇත. මා එය කියන්නේ නිකම්ම නොවේ..... අත්දැකීමෙනි.

මේ ඒ අත් දැකීමයි

වරෙක මගේ ප්‍රාණ සම මිතුරු රෑනක් හිටියා...එයින් දෙදෙනෙක් ඉතාම සමීපයි. සමහරු කිව්වෙ මගෙ අග සව්වෝ කියලා... ඒත් මං වැඩිය දුර දිග හිතන්නේ නැතිව (ඇත්තටම ඕනෙවට වඩා අනුන් ගැන හිතලා) ගත්ත තීරණයක් මුල් කරගෙන, මගේ යාළුවෝ මට විරුද්ධව චෝදනා පත්‍රයක්ම සකස් කරලා මගේ හොඳම් යාළුවෝ දෙන්නව ප්‍රධාන සාක්කි කාරයෝ කරලා, විත්ති කාරයට කියන්නෙත් නැතුව දඬුවම් ක්‍රියාත්මක කළා. ඒ අය මාත් එක්ක කතා නොකර ඉන්න තීරණය කරලා. ඒත් කීප දෙනෙක් මේකට එකඟ වෙලා නෑ. නමුත් සාමූහික තීරණයක් නිසා නිහඬ වෙලා ඉඳලා තියෙනවා. 
මං මේ කාලෙ ලොකුම පීඩනයකට ලක් වුණේ මට දඬුවමක් දීලා කියලා මං දන්නැති නිසායි. නමුත් මගේ යාළුවො කීප දෙනෙක් මාත් එක්ක මේ ගැන කතා කරලා මට චෝදනා කීපයක් කිව්වට පස්සේ මට පුදුම හිතුනා මේ අයවද මං මෙච්චර ආදරෙන් ආශ්‍රය කළේ කියලා. 
ඔව්න් ඉදිරිපත් කළ චෝදනා 7-8 අතරින් එකක් හැර අනික්වා කිසිම පදනමක් නැති ඒවායි. ඔවුන් ඒවා ගෙතුවේ කොහොමද කියලා මට හිතාගන්නත් බෑ. 
අනික් හේතුවට පදනමක් තිබුණත් සත්‍යය නෙවෙයි කියලා මං දැනගෙන හිටියා. ඒත් මට ඒ කාරණේ දි මං නිවැරදියි කියලා කියන්න තිබුණේ මගේ හෘද සාක්ෂිය විතරයි.

කාළය හෙමින් ගතවුණා. මං ඔවුන්ගෙන් යාළුකම යදින්න ගියේ නෑ.... ඒත් මං ඔවුන්ගේ යාළු කම අමතක කළේ නෑ. 
මං දැනගෙන හිටියා, ඔවුන් එහෙම හිතුවේ ඔවුන්ගේ අධික සංවේදී බව නිසා කියලා. ඒත් මගේ යාළුවෝ මාව තේරුම් අරන් හිටියේ නෑ....
යාළුවන්ට උදව් කරන්න අවස්ථාවක් ආවාම මං කවදාවත් මඟ ඇරලා නෑ. ප්‍රශ්ණ ආවා වුණත් මං දිගටම ඒ ගුණය පවත්වගත්තා...
තව ටිකක් කල් යද්දී.....
එක එක ගැටය ලිහෙන්න ගත්තා.....
ඒ යාළුවෝ බොහෝ දෙනා හිටියාටත් වඩා මට ලං වුණා....
මට විරුද්ධ පිලේ හිටපු අය, බොරු ගොතපු අය අසරණ වුණා....
සත්‍යය කවදා හරි ජය ගන්නවා. එතකල් ඉවසන්න.....
ඒ වගේම අවංක යාළුවෝ හරි වටිනවා. ඔවුන්ව තේරුම් ගන්න....

ඉවසුම තියෙන තැන
සැනසුම නිතර වෙසෙතී...
කළණවූ සුමිතුරන්
අපරිමිත සම්පතකී...
සත්‍යය කෙදින හෝ
උඩට මතුවන දෙයකී...
රැකු මැන දහම ගරු
දහම ඔබවද සුරකී........!

 පිංතූරෙ ගත්තේ මෙතැනින්...

4 comments:

  1. machan,
    harima sanwedee satahanak . .
    mata hitena de passe welawaka liyannam
    me dawas wala wada wadee . ..

    ReplyDelete
  2. ගොඩාක් ස්තුතියි මනුසත්.

    ReplyDelete
  3. ගොඩාක් ස්තුතියි දුකා. මචං උඹේ බ්ලොග්ස් හරිම නිර්මාණශීලියි. මගේ අඩුපාඩු පෙන්නලා දීපන්. ලොකු උදව්වක්....

    ReplyDelete

වටිනා අදහස් ලියනු මැනේ..